ეს ხრაშუნა ტოსტი ძველ რომის იმპერიას ჰგავს და დღემდე ბევრი ადამიანის ფავორიტია. კვერცხის ნარევი, შესაწვავი ტაფა კარაქით და მოსასხმელები – მხოლოდ ესენი დაგჭირდებათ იდეალური ფრანგული ტოსტის მოსამზადებლად. ჩვენ დღეს გაგიზიარებთ მისი გაკეთების წესს.
ფრანგული ტოსტისთვის საჭირო იქნება:
ინგრედიენტები:
- პურის ნაჭრები
- 4 ცალი დიდი კვერცხი
- 300 მლ რძე
- ერთი ჩ. კ. ვანილის ექსტრაქტი
- ნახევარი ჩ. კ. დარიჩინი
- კარაქი
- მოსასხმელები: ჯემი, ნეკერჩხლის სიროფი, თაფლი
ახლა კი მიჰყევით 7 მარტივ საფეხურს გემრიელი ფრანგული ტოსტის მოსამზადებლად!
ნაბიჯი 1
პირველ რიგში გატეხეთ 4 დიდი კვერცხი და აურიეთ თასში.
ნაბიჯი 2
ამის შემდეგ დაამატეთ კვერცხის მასას 300 მლ რძე, ერთი ჩ. კ. ვანილის ექსტრაქტი და ნახევარი ჩ. კ. დარიჩინი.
ნაბიჯი 3
ათქვიფეთ კარგად კვერცხის, ვანილისა და დარიჩინის მასა, სანამ ერთგვაროვან ნარევს არ მიიღებთ.
ნაბიჯი 4
ამოავლეთ პურის ნაჭრები ამ ნარევში რამდენიმე წუთის განმავლობაში, ორივე მხრიდან, რათა კარგად გაიჟღინთოს.
ნაბიჯი 5
როცა პურს კვერცხის მასით გაჟღინთავთ, დაადნეთ ტაფაზე კარაქი და შეწვით საშუალო ცეცხლზე.
ნაბიჯი 6
შეწვით პურის ორივე მხარე 5 წუთის განმავლობაში, სანამ ოქროსფერს არ მიიღებს.
ნაბიჯი 7
როცა პურები შეიწვება, გადაიტანეთ ისინი თეფშზე და მოასხით თქვენი ფავორიტი სიროფი. გამოდგება ხილის მურაბა, ჯემი, ნეკერჩხლის სიროფი, თაფლი და კრემ ყველიც კი.
გაუზიარეთ ფრანგული ტოსტების ეს რეცეპტი თქვენს მეგობრებსაც!
