შოკოლადის ხრაშუნა ორცხობილა გემრიელი ხემსია, რომელიც სრულად დაგიკმაყოფილებთ შაქრის მოთხოვნილებას. ის ასევე ძალიან მარტივი გასაკეთებელია. ჩვენ დღეს გთავაზობთ იდეალური შოკოლადის ორცხობილის გაკეთების რეცეპტს.
ინგრედიენტები
- ერთი ჭიქა კარაქი
- ერთი ჭიქა გრანულირებული თეთრი შაქარი
- ერთი ჭიქა დაფქული ყავისფერი შაქარი
- 2 ჩ. კ. წმინდად დაფქული ვანილის ექსტრაქტი
- 2 ცალი დიდი კვერცხი
- 3 ჭიქა გაცრილი ფქვილი
- ერთი ჩ. კ. სოდა
- 1/2 ჩ. კ. საცხობი ფხვნილი
- ერთი ჩ. კ. მარილი
- 2 ჭიქა შოკოლადის მარცვლები
ნაბიჯი 1
გააცხელეთ თქვენი ღუმელი 190 გრადუსზე. მოამზადეთ საცხობი ჭურჭელი, რომელზეც მთლიანად დაფენილი იქნება პერგამენტის ქაღალდი.
ნაბიჯი 2
შეურიეთ ჯამში ფქვილი, სოდა, მარილი და საცხობი პუდრა. შემდეგ გადადგით ჯამი გვერდზე.
ნაბიჯი 3
აიღეთ ცალკე ჯამი და შეურიეთ კარაქი და შაქარი, სანამ ერთ მასას არ მიიღებთ. კარაქი გამოყენებამდე გაალღვეთ.
ნაბიჯი 4
დაამატეთ კვერცხები და ვანილი კარაქის კრემში და ურიეთ იქამდე, სანამ ფუმფულა მასას არ მიიღებთ.
ნაბიჯი 5
შეურიეთ ყველა ინგრედიენტი, სანამ ერთგვაროვან მასას არ მიიღებთ.
ნაბიჯი 6
დაამატეთ მასას შოკოლადის ნატეხები და აურიეთ კარგად (შოკოლადი შეგიძლიათ თავადაც დაფხვნათ). მომზადების ბოლო ეტაპი კიდევ უფრო მადისაღმძვრელია, რადგან ეს ორცხობილა გამოცხობის დროს საოცარ სუნს დააყენებს.
ნაბიჯი 7
დადეთ პერგამენტდაფენილ ფორმაზე 2 ან 3 ს. კ. ცომისგან შემდგარი ბურთულები და შედგით ღუმელში გამოსაცხობად.
ნაბიჯი 8
გამოაცხეთ ორცხობილები წინასწარ გახურებულ ღუმელში 8-10 წუთის განმავლობაში. როცა ყავისფერი გახდება, გამოიღეთ და ოდნავ გააციეთ.
ნაბიჯი 9
გასაციებლად 2 წუთიც საკმარისია, ვინაიდან ჯობს თბილი სახით მიირთვათ – ასე ორცხობილები ბევრად უფრო გემრიელი იქნება.
საბოლოო შედეგი
თუ მომზადების ნაბიჯებს ზუსტად მიჰყვებით, მიიღებთ საოცარი შიგთავსის მქონე ხრაშუნა ორცხობილას, რომლის ჭამაც ალბათ არასდროს მოგბეზრდებათ.
სცადეთ მომზადება თავადაც და გაუზიარეთ ეს გემრიელი რეცეპტი თქვენს მეგობრებსაც!
