სასიამოვნოა ვიფიქროთ, რომ დესერტების მეშვეობით შეგვიძლია გავახაროთ არამხოლოდ ბავშვები, არამედ საკუთარი თავი და ნებისმიერი ასაკის სტუმარი. ბრიტანეთის დედოფალი ელისაბედ მეორე ტკბილეულის მიმართ განსაკუთრებული სიყვარულით ხასიათდება.
მონარქს 3 ფავორიტი დესერტი აქვს, რომელთა მომზადებასაც გასწავლით:
შოკოლადის მუსი
ინგრედიენტები
- 70 გ რძიანი შოკოლადი
- 70 გ შავი შოკოლადი
- 500 მლ ნაღები
- 20 გ ჟელატინი
- 30 მლ ვისკი ან კონიაკი
მომზადება
- 100 მლ ნაღები მიიყვანეთ ადუღებამდე პატარა ქვაბში და გაადნეთ მასში შოკოლადი. სათქვეფელას მეშვეობით მიიყვანეთ ერთგვაროვან მდგომარეობამდე.
- ჟელატინს დაასხით თბილი წყალი და აცალეთ მთლიანად გაიხსნას, მუდამ ურიეთ. ვისკისთან ერთად დაამატეთ ის შოკოლადის მასას.
- ნაღები რომელიც დაგრჩათ, ათქვიფეთ და შეუერთეთ შოკოლადის მასას. გადაანაწილეთ ჭურჭლებში თანაბრად და გააცივეთ. შეგიძლიათ მოაყაროთ კაკაო, გახეხილი შოკოლადი ან კენკრა.
ფსტას ორცხობილა
ინგრედიენტები
- 100 გ ფსტა
- 200 გ შავი შოკოლადი
- 50 გ ნაღების კარაქი
- 1 ს.კ. ნაღები
- 65 გ შაქრის პუდრა
- 35 გ ლიმნის ცედრა
- 45 გ ხმელი ალუბალი
- 25 გ ნუში
- 15 გ ხორბლის ფქვილი
მომზადება
- კარაქი შაქართან წვენსაწურში გაადნეთ. დაუმატეთ ნაღები, მარილი, ლიმნის ცედრა, ნუში, ალუბალი, ფსტა და ფქვილი. საგულდაგულოდ აურიეთ.
- გაზქურის ლანგარს დააფინეთ პერგამენტის ქაღალდი და ზევიდან წასუსვით ნაღების კარაქი. ჩაის კოვზით მოათავსეთ თხილის და კარაქის მასა პროპორციით: 1 კოვზი = 1 ორცხობილა.
- გამოაცხვეთ 15 წუთით 180 გრადუსზე გაცხელებულ გაზქურაში.
- შოკოლადი გაადნეთ და წაუსვით მზა ორცხობილას ქვედა მხარეს. დესერტი მიირთვით მაშინ, როცა ბოლომდე გაცივდება.
სკოუნები
ინგრედიენტები
- 500 გ ფქვილი
- 1 კვერცხი
- 400 მლ ნაღები
- 65 გ შაქრის პუდრა
- 150 გ ნაღების კარაქი
- 2 ს.კ. გამაფხვიერებელი
- 0,5 ჩ.კ. მარილი
მომზადება
- მარილი, შაქარი, ფქვილი და გამაფხვიერებელი აურიეთ დარბილებულ ნაღების კარაქთან.
- კვერცხი ნაღებთან აღქვიფეთ ბლენდერით, შემდეგ შეუერთეთ ფქვილს და გამოიყვანეთ ფხვიერი ცომი. გააბრტყელეთ და დაჭერით 8 ნაწილად.
- გამოაცხვეთ პერგამენტის ქაღალდზე 200 გრადუს ტემპერატურაზე 35 წუთით. მიირთვით მთლიანად ცივი. მოაყარეთ შაქრის პუდრა ან შოკოლადის ფხვნილი.
მოკლედ, სამეფო დესერტებს ჩვეულებრივ სამზარეულოში უპრობლემოდ მოამზადებთ!
Show Comments
