გთავაზობთ კიდევ ერთ ძალიან მნიშვნელოვან ფსიქოლოგიურ ტესტს, რომელიც დიდი პოპულარობით სარგებლობს და ხშირად გამოიყენება. მსგავსი მარტივი ასოციაციური ამოცანების დახმარებით თქვენ შეგიძლიათ ამოიცნოთ არაცნობიერში ღრმად ჩაფლული საიდუმლოებები.
პიროვნების ტესტი
მაშ ასე, ყურადღებით დააკვირდით სურათს და დააფიქსირეთ ის, რასაც პირველად დაინახავთ. ქვემოთ კი წაიკითხეთ განმარტება, სადაც ბევრ რამეს გაიგებთ თქვენ შესახებ.
ლოკოკინა
თუ პირველად ლოკოკინა დაინახეთ, ესე იგი, თქვენ ხართ „თავისუფალი სული“, ცხოვრებაში ოპტიმისტი, ენერგიით სავსე და ყოველთვის მზად მყოფი ახალი თავგადასავლებისთვის. ცდილობთ, იცხოვროთ დღევანდელი დღით, რადგან თვლით, რომ ხვალინდელი შეიძლება უკანასკნელი იყოს! თქვენგან მუდმივად იფრქვევა პოზიტიური ენერგია. ძალიან სპონტანური და აქტიური ხართ, მაგრამ არასდროს დაკარგავთ დროს იმაზე, რაც დიდად არ გაინტერესებთ.
გძულთ ის ადამიანები, რომლებიც ხელს გიშლიან თქვენს საქმიანობაში. თქვენთვის არ არსებობს შემზღუდველი წესები და აკრძალვები, რომელთა გვერდის ავლაც შეუძლებელია. მხოლოდ მაშინ გრძნობთ თავს კარგად, თუ ყურადღების ცენტრში ხვდებით. აუცილებელია, რომ სამყაროს აჩვენოთ ყველა ნიჭი, რაც გაქვთ. აღსანიშნავია ისიც, რომ თქვენ არასოდეს გაატარებთ დროს ადამიანებთან, რომლებიც არ გაინტერესებთ.
რუკა
თუ ჯერ რუკა შეამჩნიეთ, ესე იგი, „ცნობისმოყვარე ხელოვანი“ ხართ. ოპტიმისტი, რომელიც ცხოვრებას დიდი ინტერესით უყურებს. თქვენ მუდმივად ეძებთ საკუთარ თავს და სულ ცდილობთ ახალი გამოცდილებების მიღებას. თქვენს თავში წარმოუდგენელი იდეები იბადება და მათი რიცხვი არასოდეს მთავრდება, ისინი გაძლევენ რეალურ მხატვრულ შთაგონებას. ასე ქმნით თქვენს წარმოუდგენელ შინაგან სამყაროს.
თქვენ გაქვთ მაღალი ინტელექტუალური უნარები და განსაკუთრებული ნიჭი. არ მოგწონთ ორპირი ადამიანები, რომლებიც მუდმივად თამაშობენ და თავს იმისგან განსხვავებულად აჩვენებენ, ვინც სინამდვილეში არიან. თქვენ გაქვთ უნარი, წაიკითხოთ ამ ადამიანების ჭეშმარიტი განზრახვები. წარმატების მისაღწევად, აუცილებლად უნდა ენდოთ საკუთარ ინსტინქტებს, ის იმედს არასოდეს გაგიცრუებთ.
თავის ქალა
თუ პირველ რიგში, თქვენი ყურადღება თავის ქალამ მიიპყრო, ესე იგი, თქვენ ხართ “თბილი მოაზროვნე”, მშვიდი და გაწონასწორებული ადამიანი, თან ძალიან მგრძნობიარე, რომელსაც გულწრფელი თანაგრძნობის უნარი აქვს. თქვენ ძალიან ტოლერანტული ხართ სხვების მიმართ და ცდილობთ ყოველთვის გაითვალისწინოთ სხვისი აზრი. გიყვართ დამოუკიდებლად მუშაობა და გრძნობთ ნამდვილ ბედნიერებას, როდესაც შეგიძლიათ სხვების დახმარება, ამისთვის კი ყოველთვის მზად ხართ. ამასთან, უნდა აღინიშნოს, რომ ვერ იტანთ ამპარტავან ხალხს.
შეიძლება ითქვას, რომ მშვიდობის მტრედივით ხართ: არ გინდათ ამ პლანეტაზე არსებული სისასტიკისა და უსამართლობის ბოლომდე გააზრება. საზოგადოებრივი სიკეთე შენთვის მუდამ პირველ ადგილზეა. იცოდეთ, რომ წარმატებას მიაღწევთ ისეთ საქმეებში, რომლებიც ადამიანებთან კომუნიკაციაზეა დაფუძნებული და შეძლებთ ეს სამყარო უკეთეს და ბევრად კეთილ ადგილად აქციოთ.
ჩვენი არაცნობიერი არის საიდუმლო ყუთი, მოჯადოებული გამოქვაბული, სადაც უამრავი საჭირო და არასაჭირო ინფორმაცია ინახება. ასეთი ფსიქოლოგიური ტესტები, რომლებიც აღწერს არსებულ მდგომარეობას, დაგეხმარებათ უკეთ გაიცნოთ თქვენი შინაგანი სამყარო.
ახლა კი მოგვიყევით კომენტარებში, თქვენ რა დაინახეთ პირველად: ლოკოკინა, რუკა თუ თავის ქალა? დაემთხვა მოცემული აღწერები რეალურ ხასიათს? ჰო, და რაც მთავარია, აუცილებლად აჩვენეთ ეს ფსიქოლოგიური პიროვნების ტესტი თქვენს მეგობრებსაც!
