შეგშურებია იმ ადამიანების, რომლებიც ყოველთვის ინარჩუნებენ სიმშვიდესა და თავშეკავებას, რაც არ უნდა მოხდეს მათ ცხოვრებაში? რა მოხდება, თუ გეტყვით, რომ თქვენც შეგიძლიათ დატკბეთ მშვიდი ადამიანების ჩვევებით და ბევრად მოდუნებული გახდეთ?
დიახ, სწორად წაიკითხეთ! არსებობს გარკვეული რამ, რასაც გარკვეული ტიპის ადამიანები სხვაგვარად აკეთებენ და ეს მათ მოვლენების მშვიდობიანად გადატანაში ეხმარება.
რატომ არის ზოგიერთი ადამიანი ბევრად მოდუნებული და მშვიდი?
შესაძლოა, გქონდეთ შთაბეჭდილება, რომ ხართ მშვიდი და თავშეკავებული, განსაკუთრებით სტრესის ან გაურკვევლობის პირობებში. მაგრამ ეს ხშირად ასე არ არის. ძალიან მშვიდი ადამიანები შეგნებულად ცდილობენ დარჩნენ სტაბილურები გარემოებების მიუხედავად. ისინი გულმოდგინედ იცავენ ზოგიერთ ჯანსაღ ჩვევას ყოველდღიურ ცხოვრებაში, რაც მათ ეხმარება:
- სტრესის მართვაში
- კონფლიქტის მშვიდობიანად მოგვარებაში
- გამოწვევებთან გამკლავებაში
- წონასწორობის შენარჩუნებაში
- არასასურველი ემოციების დამუშავებაში
მშვიდი ადამიანების 10 ჩვევა
1. Mindfulness-ის პრაქტიკა
იყო ფოკუსირებული, ნიშნავს აკეთებდე აქცენტს მიმდინარე მომენტზე. გონებამახვილობის პრაქტიკით, თქვენ კვებავთ ცნობიერებას და არ ნერვიულებთ იმაზე, რაც ახლა არ ხდება. ამიტომ, გონებამახვილობა ეხმარება ადამიანებს დამშვიდებასა და სტრესისა და შფოთვის შემცირებაში.
გონებამახვილობის პრაქტიკის დროს შეგიძლიათ სცადოთ ხანგრძლივი გასეირნება აზრების გასასუფთავებლად, მედიტაცია, იოგას გაკეთება, ტაი ჩის გაკეთება ან აზრების ჟურნალში ჩაწერა.
2. დროის მენეჯმენტი
მშვიდი ადამიანები არ ჩქარობენ. ისინი წინასწარ გეგმავენ და დროულად მართავენ საქმეებს. როდესაც მათ რაიმე აქვთ გასაკეთებელი ან სადმე არიან წასასვლელები, დიდი დროით ადრე იწყებენ დაგეგმვას. ამიტომაც თუ ისინი რაიმე გაუთვალისწინებელ შეფერხებას წააწყდებიან, არ ინერვიულებენ და მაინც მოახერხებენ თავიანთი დავალების დროულად შესრულებას.
3. თვითმოვლა როგორც პრიორიტეტი
მშვიდი ადამიანები არასოდეს არღვევენ თვითმოვლის ძირითად რიტუალებს. ეს რიტუალებია კარგი ღამის ძილი, კარგი კვება და საკმარისი პირადი დრო დასვენებისა და რელაქსისთვის. ისინი დროს უთმობენ ჰობებს, ესაუბრებიან საყვარელ ადამიანებს და ყველანაირად ზრუნავენ საკუთარ თავზე, იქნება ეს ფიზიკური, ემოციური თუ სულიერი ასპექტები. ასეთი ცხოვრება მათ საშუალებას აძლევს გამოიჩინონ მტკიცე განწყობა, რომელიც ყველას ძალიან გვსურს.
4. თვითრეგულირება
მშვიდმა ადამიანებს აქვთ თვითშემეცნების მაღალი დონე, რაც მათ დისციპლინირებულს ხდის. ადამიანები, რომლებიც იშვიათად განიცდიან სტრესს, ცხოვრობენ ძალიან აქტიური ცხოვრების წესით. ისინი რეგულარულად ვარჯიშობენ, კავდებიან სხვადასხვა სპორტით, იძინებენ და იღვიძებენ ადრე და სულ ფორმაში არიან. ჯანსაღი ცხოვრების წესი ხელს უწყობს სიმშვიდის შენარჩუნებას.
5. რუტინის შენარჩუნება
მშვიდ ადამიანებს არ სურთ, რომ მათი გონება ზედმეტი ფიქრებით იყოს დატვირთული, ამიტომ ისინი ცდილობენ ზედმიწევნით გააკეთონ ჩვეული საქმეები. ამით ამსუბუქებენ ყოველდღიური ცხოვრების წნეხს, წინასწარ საზღვრავენ, მაგალითად, რის ჭამას აპირებენ საუზმეზე ან რას იცვამენ სამსახურში.
შეადგინეთ ყოველკვირეული კვების გეგმა და ყოველდღიური დილის რიტუალები, რათა ეს ყველაფერი გადაწყვეტილების მიღების პროცესიდან ამოიღოთ და გონება დაასვენოთ.
6. ჯანსაღი საზღვრების შექმნა
თვითდამკვიდრება მშვიდი ადამიანების ერთ-ერთი მთავარი ჩვევაა. მათ იციან სად გაავლონ ზღვარი და არ ერიდებიან უარის თქმას, როცა ეს საჭიროა. ეს ჩვევა აიძულებს მშვიდ ადამიანებს დააბალანსონ თავიანთი ცხოვრება. მათ არ ერიდებათ დახმარების თხოვნა. როცა ჩერდებიან, წყვეტენ სამუშაოს, რათა შემდეგ უკეთ კონცენტრირდნენ. არასოდეს წირავენ პირად ცხოვრებას პროფესიული ვალდებულებების გამო და პირიქით.
7. მარცხის მიღება
მოქნილობა ასევე შეუცვლელი უნარია მშვიდი ადამიანებისთვის. რამდენადაც ისინი ამჯობინებენ გეგმის მიხედვით სვლას, იმდენად ყოველთვის მზად არიან გაითვალისწინონ ფაქტი, რომ ცხოვრება არაპროგნოზირებადია და ნებისმიერ მომენტში ყველაფერი შეიძლება შეიცვალოს. ასეთი მიმღებლობა მათ აიძულებს, კარგად მოერგონ ცხოვრების ყველა კრიზისს და შეინარჩუნონ სიმშვიდე.
8. თავმდაბლობა
მშვიდ ადამიანებს არ აქვთ საკუთარ თავზე ძალიან დიდი წარმოდგენა. ისინი თავიანთ საქმეს რწმენით აკეთებენ, მაგრამ არასდროს ანიჭებენ ამას დიდ მნიშვნელობას და ზედმეტად არ ამაყობენ თავიანთი მიღწევებით. არიან თავმდაბალი და მიწიერი ადამიანები, რომლებსაც სჯერათ საკუთარი თავის და სანაცვლოდ არაფერს ელიან.
9. მოლოდინების მართვა
მშვიდი ადამიანები მართავენ თავიანთ მოლოდინებს სხვა ადამიანებზე ობიექტურად დაკვირვებით და მათი განსჯის გარეშე მიღებით. როდესაც სხვები მათ იმედს უცრუებენ ან არცთუ ისე ადეკვატურად იქცევიან, ეს მშვიდი ტიპის ადამიანები არასოდეს ქმნიან ამისგან დიდ პრობლემას.
10. ავთენტური კავშირების შენარჩუნება
სიმშვიდის მთავარი წესია იყო ავთენტური; ავთენტური შენთვის და ავთენტური შენ გარშემო მყოფთათვის. მშვიდი ადამიანები მიზნად ისახავენ რეალური კავშირების დამყარებას. ისინი იცავენ ამას ცხოვრების ყველა სფეროში და ინარჩუნებენ გულწრფელ ურთიერთობას ოჯახის წევრებთან, მეგობრებთან, ნაცნობებთან და თუნდაც უცნობებთან.
მშვიდი ადამიანების სხვა ჩვევებია:
- ისინი გონივრულად იყენებენ ტელეფონებსა და სხვა გაჯეტებს და არ აძლევენ უფლებას ამ მოწყობილობებს მართონ მათი ცხოვრება.
- ისინი ასრულებენ ღრმა სუნთქვით სავარჯიშოებს, როდესაც გრძნობენ სტრესს ან გადატვირთულობას.
- ისინი პასუხის გაცემემდე ყოველთვის ფიქრობენ და რეაგირებენ მოვლენის პროპორციულად.
- ისინი თავს არიდებენ ისეთ სტიმულატორებს, როგორიცაა კოფეინი, თამბაქო და ა.შ
- ისინი იწერენ თავიანთ გრძნობებს ან ეწევიან შემოქმედებით ან ფიზიკურ აქტივობებს, რომლებიც მათი ემოციების გასავალია.
- ისინი ყოველთვის მადლიერები არიან.
- იციან, რომ ყველაფერს ვერ გააკონტროლებენ.
- ისინი კეთილგანწყობილნი არიან საკუთარი თავის მიმართ და არ არიან თვითგანსჯაში ყოველი შეცდომის ან წარუმატებლობის გამო.
როგორც ხედავთ, საჭიროა გარკვეული პრაქტიკა და ძალისხმევა, რათა შეინარჩუნოთ სიმშვიდე სამყაროში, რომელიც ყოველდღიურად სცდის ადამიანის მოთმინებას. მაგრამ როგორც კი ისწავლით სიმშვიდისა და მოდუნების ხრიკებს, მიხვდებით, რომ მთელი სამუშაო ამად ღირდა. თქვენ არ გაგაბრაზებთ გარეგანი სტრესები და რა სირთულეებიც არ უნდა შემოგთავაზოთ ცხოვრებამ, ყველაფერს გადალახავთ.
თქვენ როგორ ახერხებთ საკუთარი თავის დამშვიდებას? გაგვიზიარეთ კომენტარებში!
